БІЛІМ САЛАСЫНДАҒЫ МЕМЛЕКЕТТІК ТАПСЫРЫСТЫ БЕКІТУГЕ АЛҒАШ РЕТ 7 САЛА БОЙЫНША ЖҰМЫСШЫ ТОП ҚҰРЫЛДЫ

БІЛІМ САЛАСЫНДАҒЫ МЕМЛЕКЕТТІК ТАПСЫРЫСТЫ БЕКІТУГЕ АЛҒАШ РЕТ 7 САЛА БОЙЫНША ЖҰМЫСШЫ ТОП ҚҰРЫЛДЫ

Білім беруге бөлінген қаражаттың жыл сайын ұлғаюы олардың ашықтығы мен объективтілігін қамтамасыз етудің өзектілігін арттырады.
Осы мақсатта, «Қоғамдық бақылау картасы» жобасын жүзеге асыру аясында ҚР Мемлекеттік қызмет істері және сыбайлас жемқорлыққа қарсы іс-қимыл Агенттігі Білім және ғылым министрлігімен бірлесе жоғары оқу орындары мен колледждерге түсу кезінде білім беру гранты мен мемлекеттік білім беру тапсырысын тағайындаудағы конкурстық комиссияның жұмысына қоғам өкілдерін қатыстыруды жоспарлауда.
Осы ретте, ағымдағы жылдың 31 шілде күні ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің аумақтық департаментінің ұйымдастыруымен білім саласына гранттар бөлудегі сыбайлас жемқорлықтың алдын алу, ашықтықты қамтамасыз ету мақсатында кеңейтілген отырыс өтті.
Іс-шараға ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің аумақтық департаментінің басшысы Ә.Көмекбаев, облыстық білім беру басқармасының басшысы И.Сағындықов, ЖОО және колледж директорлары мен қызметкерлері, жалпы саны 500-ге жуық адам қатысты.
«Білім саласы ең өзекті сала. Осы саладағы сыбайлас жемқорлықтың алдын алу, әсіресе білім беру гранттарын бөлудегі ашықтықты қамтамасыз ету мақсатында Агенттік пен Министрлік тарапынан үлкен жоба қолға алынып отыр. Осы жобаны жүзеге асыруда қоғам белсенділерінен тұратын Департамент жанынан құрылған Арнайы мониторингтік топ білім беру гранты мен мемлекеттік тапсырысты бөлуге бекітілген конкурстық комиссия мүшелері жұмысына бақылаушы ретінде қатысатын болады. Тек арнайы мониторингтік топ мүшелері ғана емес, облыстың, Шымкент қаласының белсенді азаматтарын да бақылаушы болуға шақырамыз» – деді Департамент басшысы Ә.Көмекбаев.
«Облыста еңбек нарығында жұмыс күшіне деген нағыз қажетті сұраныс пен жергілікті атқарушы органдардан келіп түскен формальды ұсыныс арасындағы алшақтықты барынша қысқарту, соған сәйкес жұмыссыздықты және нағыз мамандық иелерінің тапшылығын кеміту мақсатында сұранысқа ие қажетті мамандықтарды сараптап мемлекеттік тапсырысты бекітуге алғаш рет білім басқармасы жанынан 7 сала бойынша жұмысшы топ құрылды. Осы жауапты істі атқаруға Жұмысшы топ құрамына облыстық кәсіпкерлер палатасы, кәсіпорын басшылары, қоғамдық ұйымдар мен салалық басқарма мамандары, мәслихат депутаттары енді» деп атап өтті Түркістан облысының білім басқармасының басшысы И.Сағындықов.
Айта кетейік, азаматтармен тиімді кері байланыс орнату мақсатында Департаменттің memkyzmet.kz сайтында арнайы «Білім» айдары ашылып, +7 775 869 21 21 нөмірі бойынша WhatsApp мессенджер іске қосылған болатын.
Аталған жобаға қатысуға тілек білдіруші азаматтарды жоғарыда көрсетілген байланыс құралдарына хабарласуға шақырамыз.

Leave a Reply

Your email address will not be published. Required fields are marked *