ОҢТҮСТІК ҚАЗАҚСТАН ОБЛЫСЫНДА МЕМЛЕКЕТТІК ҚЫЗМЕТШІЛЕРДІҢ ОТБАСЫЛАРЫ СПОРТТЫҚ САЙЫСТАН БАҚ СЫНАСТЫ

Ағымдағы жылдың 16 маусым күні мемлекеттік қызметшілер күнін мерекелеу және мемлекеттік қызмет органдарының 20 жылдығын ұлықтау аясында ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Оңтүстік Қазақстан облысы бойынша департаменті Оңтүстік Қазақстан облысы облыс әкімі аппаратымен бірлесіп облыстағы мемлекеттік қызметшілердің отбасылары арасында  «Әкем, Анам және Мен – спорттық жанұя» атты спартакиада өткізді.

Спартакиаданың мақсаты – мемлекеттік қызметшілер арасында  бұқаралық спортты насихаттап, салауатты өмір салтын қалыптастырып қана қоймай, отбасы құндылықтарын насихаттау болып табылады.

Спартакиаданың ашылу салтанатында Департамент басшысы, Әдеп жөніндегі кеңес төрағасы Ә.Көмекбаев қатысушы отбасыларға сәттілік тіледі.

Барлық қатысушылар алдымен аудан, қалалық деңгейдегі іріктеуден өтіп, жеңімпаздары облыстық деңгейдегі эстафетада бақ сынасуда. Эстафетада әрқайсысы 3 адамнан құралған 8 команда қатысты. Әр отбасы жүгіру, допты қақпаға түсіру, скакалка және қапшықпен секіру, доптарды ауыстыру және тағы басқа 8 эстафеталық ойындар бойынша сынға түсті.

Әрбір команда өзінің дене даярлығын, отбасылық бірлігін және мақсаттылығын көрсетті.

Отбасылық спартакиадада І-орынды Сайрам ауданынан Айткуловтар отбасы, ІІ-орынды Төлеби ауданынан Аралбай отбасы, ІІІ-орынды Түлкібас ауданынан Бекбердиевтер отбасы иеленді.

Жүлдегерлерді кубоктар, дипломдар мен естелік сыйлықтар марапатталуымен салтанатты түрде аяқталды. 4-ші орынға ие болған команда «Үлгілі спортшылар отбасы» номинация бойынша марапатталса, 5 орынға «Жеңіске деген жігері үшін» номинациясы берілді.

Бугінгі таңда мемлекеттік қызметшілерге салауатты өмір салтын қолдау басты басымдықтардың бірі болып табылады. Осылайша, Елбасы жолдауында адамның қамын, білімін ойлау, оның бәсекеге қабілеттілігін жоғарылату, оның әлеуетін дамыту негізгі басымдық болып табылады. Бірақ мұның барлығы денсаулыққа қамқорлық жасамай мүмкін емес.

Салауатты өмір салты – үйлесімді және бақытты өмірге сенімді жол, ал ұлт денсаулығы – кез келген мемлекеттің маңызды құндылығы.

Leave a Reply

Your email address will not be published. Required fields are marked *